१६-४-१९३९
मंत्र द्रष्टारांचें दर्शन शैल।
अतींद्रिय प्रत्यक्षांचें तीर पैल।
जेथ देहो%हं भावाचे पाश सैल।
सहजत: एव निराकारती ।। ।।१।।
पश्यंती ही त्रितीय श्रेणीं।
साक्षात्कृती जी भगवत्- गायनीं।
अर्जुनें प्रतीयली विश्वरूप-दर्शनी।
ज्ञानैश्वर्याची बिजवल्ली ।। ।।२।।
पश्यंती पीठीं `ऋतां`चा साक्षात्कार।
अतींद्रिय रुपकांचा आविष्कार।
केवल-कुशलांचा श्रीवशट्कार।
वर्षाव आशिर्जलांचा ।। ।।३।।
अतस्मिन् तद्भावाचा विनाश।
जन्मजन्मींच्या सद्दर्शनांचा अनुप्रास।
हृदिस्थ वाग्बीजाचा कलविकास।
श्री पश्यंती भू:।। ।।४।।
विशेषा विषेशातलें सामान्य।
प्रत्यया प्रत्ययांतलें प्राधान्य।
जीवना जीवनांतल्या अनुभूती धन्य।
पश्यंती एकंकारती ।। ।।५।।
साक्षित्वाचा लेशानुभव स्वरूपला।
अतीतत्वाचा बाल - भास्कर प्रभातला।
सौषुप्त््र सत्त्याचा आदिकिरण उदेला।
पश्यंतीच्या गुलाब भुवनी ।। ।।६।।
येथ मूल-मौनाचा उद्गम।
येथ ब्रम्हशामांचा मुहूर्त- संगम।
येथ अवतरे शुक्लाध्यस्त संकर्म।
प्रथमा द्युतिही पराचंद्रिकेची ।। ।।७।।
ऋतं स्थित प्रत्ययांचा मुक्ताहार।
श्रुतिगत कैवल्य-जलांची धुवाधार।
निरवस्थ स्वस्वरूपतेचा आद्य उद्गार।
स्व संव्येद्यावेद प्रतिपाद्य ।। ।।८।।