वा‍याचें कर्ज जे, श्वासांनी घेतलें

सव्याज तें दिले, उसाशांनी

संख्येत वागलो, जीवनाचे कालीं

शून्यता वरियेली, मृत्यूलोभें

सजीवतेचेच ओझे, हे अवघड 

होई डोईजड. देह देवा 

मृत्यूची सुखशय्या, असो अंगाखाली 

आता न राहिली, दुजी इच्छा 

भाग्याची एकदा, मिळॊ मूठमाती 

नको ही संगती, जीविताची 

उरावी का स्मृती, सरताच अनुभव

भुले का हा जीव, भूतकाली

प्रेममीलनात, श्वास हा थांबावा

नेत्र अंध व्हावा, स्वप्न सरता